សារព័ត៌មាន Reuters បានដកស្រង់សេចក្តីព្រាងពីការិយាល័យតំណាងពាណិជ្ជកម្មអាម៉េរិក (USTR) ដែលរំពឹងថានឹងផ្ញើទៅដៃគូពាណិជ្ជកម្ មដោយសរសេរថា អាម៉េរិកចង់ឱ្យប្រទេសនានាដាក់សំណើចរចាដ៏ល្អបំផុតរបស់ពួកគេត្រឹមថ្ងៃទី៤ ខែមិថុនា។ សំណើនេះនឹងគ្របដណ្តប់លើវិស័យសំខាន់ៗ រួមទាំងពន្ធគយ និងកូតានាំចូលលើផលិតផលឧស្សាហកម្ម និងកសិកម្មរបស់អាម៉េរិក ក៏ដូចជាផែនការកាត់បន្ថយរបាំងមិនមែនពន្ធផងដែរ។
អាម៉េរិក នឹងវាយតម្លៃសំណើក្នុងរយៈពេលប៉ុន្មានថ្ងៃ និងដាក់ចេញនូវដំណោះស្រាយដ៏សមស្របមួយ ដែលអាចរួមបញ្ចូលពន្ធបដិការ។
បច្ចុប្បន្ន គេនៅមិនទាន់ច្បាស់នៅឡើយថា ប្រទេសណានឹងទទួលបានលិខិតនោះទេ ប៉ុន្តែទំនងជាត្រូវបានផ្ញើទៅដៃគូដែលកំពុងចរចាសកម្មជាមួយអាម៉េរិក ដែលកំពុងកិច្ចប្រជុំ និងការផ្លាស់ប្តូរឯកសារ។ បច្ចុប្បន្ន ទីក្រុងវ៉ាស៊ីនតោនកំពុងចរចាជាមួយសហភាពអឺរ៉ុប ជប៉ុន វៀតណាម និងឥណ្ឌា ក្នុងចំណោមប្រទេសដទៃទៀត។