សម្ដេចតេជោ វាយតម្លៃថា រដ្ឋាភិបាលវ័យក្មេងបន្តវេន មិនមែនក្មេងឥតមារយាទ ឬជាស្រីកញ្ជើរធ្លុះឡើយ

សម្ដេចតេជោ វាយតម្លៃថា រដ្ឋាភិបាលវ័យក្មេងបន្តវេន មិនមែនជាក្មេងឥតមារយាទឡើយ ឬស្រីកញ្ជើរធ្លុះឡើយ ព្រោះរដ្ឋាភិបាលនេះ មានពូជពង្សជាអ្នកដឹកនាំ ហើយរយៈពេលជាង២០ខែនៃរដ្ឋាភិបាលថ្មី គឺចំនួនសាច់ប្រាក់នៅក្នុងរតនាគាកើនឡើងជាលំដាប់។ សម្ដេចក៏មើលឃើញថា រដ្ឋាភិបាលថ្មីនេះ បង្កើនប្រាក់ខែជូនមន្ត្រីរាជការ បង្កើនការចំណាយលើប្រព័ន្ធគាំពារសង្គម វិនិយោគលើវិស័យអប់រំ សុខាភិបាល និងវិស័យផ្សេងៗទៀត ប៉ុន្តែនៅតែអាចសន្សំប្រាក់ច្រើននៅក្នុងរតនាគា។