ខេត្តបន្ទាយមានជ័យ ៖ ប្រជាពលរដ្ឋមួយចំនួននៅផ្សារអូរបីជាន់នៅប្រកបមុខរបរលក់ដូរជាធម្មតាក្រោយទាហានថៃបាញ់រះមកលើពលរដ្ឋ បណ្តាលឱ្យមានអ្នកស្លាប់ និងរបួស កាលពីយប់ថ្ងៃទី១២ ខែវិច្ឆិកា ឆ្នាំ២០២៥ នៅភូមិអូរបីជាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
ជាក់ស្តែង ប្រជាពលរដ្ឋដែលប្រកបមុខរបបលក់ដូរនៅផ្សារអូរបីជាន់ នៅតែបន្តលក់ជាធម្មតាក្រោយទាហានថៃបាញ់រៈមកលើប្រជាពលរដ្ឋ បណ្តាលឱ្យមានអ្នករបួសនិងស្លាប់ កាលថ្ងៃទី១២ ខែវិច្ឆិការ ឆ្នាំ២០២៥នៅភូមិព្រៃចាន់ ដែលនៅខាងជើងប្រមាណ១០គីឡូម៉ែត្រពីផ្សារអូរបីជាន់ ស្ថិតភូមិអូរបីជាន់ ឃុំអូរបីជាន់ ។
ប្រជាពលរដ្ឋបានឱ្យដឹងថា ក្រោយមានទាហានថៃបាញ់រះមកលើប្រជាពលរដ្ឋ បណ្តាលឱ្យមានអ្នករបួសនិងស្លាប់ គេសង្កេតឃើញប្រជាពលរដ្ឋភូមិព្រៃចាន់សម្រុកចាកចេញ ដោយភៀសខ្លួនចេញពីភូមិទៅរកកន្លែងសុវត្ថិភាព ពួកគាត់លក់នៅផ្សារអូរបីជាន់ជាប់ក្បែរព្រំដែនប្រមាណជាង៥០០ ម៉ែត្រហើយនៅខាងជើងភូមិជោគជ័យប្រមាណ១០គីឡូម៉ែត្រនិងនៅខាងត្បូងភូមិព្រៃចាន់ប្រមាណ១០គីឡូម៉ែត្រ ក៏ដូចគ្នា។
ប្រជាពលរដ្ឋបញ្ជាក់ថា ពួកគាត់ពិតជាមានព្រួយបារម្ភ ហើយមានប្រជាពលរដ្ឋមួយចំនួនបានបិទទ្វារតូបផ្អាកលក់ នាំកូនចៅទៅតំបន់សុវត្ថិភាព និងមួយចំនួននៅបន្តបើកទ្វារតូបនិងលក់ជាធម្មតា បើមិនលក់អាចប៉ះពាល់ដល់ជីវភាពគ្រួសារ ទើបសម្រេចចិត្តនៅបន្តលក់ បើអាជ្ញាធរណែនាំអោយចាកចេញ ទើបពួកគាត់បិទទ្វារចាកចេញ តែពេលនេះនៅបន្តលក់ដូរបានជាធម្មតា៕