សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា

ក្នុងពិធីសួរសុខទុក្ខ និងផ្តល់អំណោយជូនជនភៀសសឹកនៅខេត្តព្រះវិហារ នាព្រឹកថ្ងៃចន្ទ ទី២៨ ខែកក្កដា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានមានប្រសាសន៍ធ្ងន់ៗទៅកាន់ភាគីថៃ ដោយបង្ហាញពីការខឹងសម្បាយ៉ាងខ្លាំងចំពោះ ទង្វើឈ្លានពានរបស់កងទ័ពថៃ នាំមកនូវការលំបាកដល់ប្រជាពលរដ្ឋខ្មែរ ជាពិសេសជនចាស់ជរា ស្ត្រីមានផ្ទៃពោះ និងកុមារ។

សម្តេចប្រធានកាកបាទក្រហម បានចោទសួរទៅថៃថា តើប្រាសាទទាំងឡាយនៅតាមព្រំដែននេះ ដូនតាថៃជំនាន់ណាមកសាងសង់?