ខេត្តស្វាយរៀង ៖ មានករណីជនជាតិចិនចូលមកបាញ់រំដោះអ្នកទោសចេញពីតុលាការ នៅខេត្តស្វាយរៀង, ពេលនេះ កម្លាំងសមត្ថកិច្ចកំពុងដេញតាមបង្ក្រាបក្រុមឧក្រិដ្ឋជន ដោយចាប់ខ្លួនបាន០២នាក់ហើយ នៅសល់៤នាក់ទៀតកំពុងព័ទ្ធចាប់ កាលពីព្រឹកថ្ងៃទី១៨ ខែវិច្ឆិកា ឆ្នាំ២០២៥ ។
ហេតុការណ៍ក្រុមឧក្រិដ្ឋជនមួយក្រុម ទំនងជនជាតិចិន បានចូលទៅបាញ់រំដោះអ្នកទោសម្នាក់នៅតុលាការខេត្តស្វាយរៀង ដែលជាបក្សពួករបស់ខ្លួន ពេលសមត្ថកិច្ចនាំអ្នកទោស ចូលទៅតុលាការ ដើម្បីកាត់ទោស។
នៅពេលនេះ កម្លាំងសមត្ថកិច្ចកំពុងតាមប្រមាញ់ ក្រុមឧក្រិដ្ឋជន និងយកអ្នកទោសមកវិញ ។ ហើយមកដល់វេលាម៉ាង១០ និង៤០នាទីព្រឹកថ្ងៃដដែល សមត្ថកិច្ចកំពុងតាមប្រមាញ់ចាប់បាន២នាក់ នៅ០៤នាក់ទៀតកំពុងឡោមពទ្ធ័ចាប់ ។ នេះបើតាមសេចក្តីរាយការណ៍ពីសមត្ថកិច្ចដែលកំពុងតាមបង្ក្រាបក្រុមជនល្មើសបានបញ្ជាក់មកកោះសន្តិភាព ។
ព័ត៌មានបន្ថែមនឹងមានផ្សាយជូនបន្តលើកាសែតកោះសន្តិភាព
