ខេត្តកំពង់ស្ពឺ៖ មនុស្សចំនួន៤នាក់ត្រូវបានកម្លាំងនគរបាលស្រុកគងពិសីធ្វើការឃាត់ខ្លួនសួរនាំ ហើយមនុស្សពាក់ព័ន្ធចំនួន៨នាក់ផ្សេងទៀតកំពុងរត់គេចខ្លួនខណៈដែលវាយតប់គ្នាក្នុងពិធីមង្គលការមួយកន្លែង ព្រោះតែខាងកូនកំលោះជួល(DJ) ចាក់បទញាក់ៗដើម្បីកំដរអារម្មណ៍ហើយ ភាគីខាងស្រីមិនព្រមឱ្យចាក់ក៏ក្លាយទៅជាហិង្សាវាយតប់គ្នាតែម្តង។ គួររំលឹកថា ពីកម្មវិធីសប្បាយប្រែជាវឹកវរ! ចានកែវហោះពេញរោងការ និងវា.យត.ប់គ្នាផ្អើលភ្ញៀវរត់ចែកជើងគ្នា
ការស្រាវជ្រាវឃាត់មនុស្សចំនួន៤នាក់ខាងលើ ដោយអនុវត្ដតាមការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ត្រី ឃឹម សុកខៃ ស្នងការនគរបាលខេត្ដកំពង់ស្ពឺ និងបានការណែនាំពីជំនាញព្រហ្មទណ្ឌនៃស្នងការដ្ឋាននគរបាលខេត្ដកំពង់ស្ពឺ និងប្រធានគណៈបញ្ជាការឯកភាពស្រុកគងពិសី លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានដឹកនាំបញ្ជាផ្ទាល់លេីកិច្ចការចុះស្រាវជ្រាវករណីបង្កហិង្សាមួយ ក្នុងពិធិមង្គលការ កូនប្រុស-ស្រី ស្ថិតនៅក្នុងភូមិប្រវឹកពង ឃុំទឹកល្អក់ ស្រុកគងពិសី ខេត្ដកំពង់ស្ពឺ កាលពីយប់ថៃ្ងទី១៣ ខែមករា ឆ្នាំ២០២៦កន្លងទៅ ដែលមានហេតុការណ៍មួយបានបង្កហិង្សាឡេីងដោយភ្ញៀវខាងប្រុសនិងភ្ញៀវខាងស្រី ធ្វើសកម្មភាពវាយគ្នាក្នុងពិធីវង់រាំកម្សាន្ដ នឹងគប់កែវចានដប ដាក់គ្នាទៅវិញទៅមកបណ្តាលឱ្យមានការរងរបួសលេីភ្ញៀវអ្នកចូលរួមមួយចំនួន ។
លោក យ៉ាង សុខលី អធិការនគរបាលស្រុកគងពិសីបាននិយាយឱ្យដឹងថា÷
ក្នុងប្រតិបត្ដិការស្រាវជ្រាវសមត្ថកិច្ចនគរបាលបានឈានទៅកំណត់បានមុខសញ្ញាមួយចំនួននិងបានអញ្ជេីញយកមកសាកសួរនៅអធិការដ្ឋាននគរបាលស្រុកគងពិសី ៖ – ភាគីមកពីខាងកូនប្រុស(កូនកំលោះ)
ទី១-ឈ្មោះ ជិន សារ៉ុម ភេទប្រុស អាយុ២៤ឆ្នាំ នៅព្រៃពង្រ ឃុំរកាកោះ ស្រុកគងពិសី ខេត្តកំពង់ស្ពឺ (រងរបួសបែកក្បាលដោយសារតែ កែវ ចាន ដប ហោះ) និងទី២-ឈ្មោះ ម៉ន ប៊នឡុង ភេទប្រុស អាយុ២១ឆ្នាំ រស់នៅភូមិអណ្ដូងទឹក ឃុំលំហាច ស្រុកអង្គស្នួល ខេត្ដកណ្ដាល ។
-ចំពោះភាគីមកពីខាងកូនស្រី(កូនក្រមុំ)
ទី១-ឈ្មោះ ជា សារ៉េម ភេទប្រុសអាយុ៣៨ឆ្នាំ រស់នៅក្នុងភូមិប្រវឹកពង ឃុំទឹកល្អក់ ស្រុកគងពិសី ខេត្តកំពង់ស្ពឺ (ត្រូវមួយដៃ) និងទី២-ឈ្មោះ ជា សារ៉ុន ភេទប្រុស អាយុ៣៧ឆ្នាំ នៅភូមិប្រវឹកពង ឃុំទឹកល្អក់ ស្រុកគងពិសី(រងរបួសផ្ទៃមុខ)។ នៅក្នុងហេតុការណ៍រីករាយសប្បាយក្អាកក្អាយ ប្រែមកជារឿងអាប់អួរ ក្លាយជាហិង្សា សមត្ថកិច្ចបានចុះអន្ដរាគមន៍ដល់កន្លែងកើតហេតុប៉ុន្តែក្រុមអ្នកប្រយុទ្ធ បានរត់ចែកជេីងគ្នាទៅផ្ទះរៀងខ្លួនអស់បន្ទាប់ពីបេីកឆាកប្រយុទ្ធគ្នាចប់នោះ។
លោកអធិការនគរបាលស្រុកបានបន្តថា ចំណែកបក្ខពួកពាក់ព័ន្ធកំពុងរត់គេចខ្លួនរួមមាន÷ទី១. ឈ្មោះ ឡៅ ស៊ូលាំង ភេទប្រុស អាយុ ១៧ឆ្នាំព្រៃពង្រ ឃុំរការកោះ ស្រុកគងពិសី
ទី២.ឈ្មោះ ស៊ឹម សុខវិសាល ហៅ ជូ ភេទប្រុស អាយុ ២៦ឆ្នាំ រស់នៅភូមិព្រៃពង្រ ឃុំរការកោះ ស្រុកគងពិសី
ទី៣.ឈ្មោះ ហេង ឈៀវ ភេទប្រុស អាយុ២៩ឆ្នាំ រស់នៅភូមិព្រៃពង្រ ឃុំរការកោះ ស្រុកគងពិសី
ទី៤.ឈ្មោះ នឹម ចាន់ណារួត ភេទប្រុស អាយុ ២១ឆ្នាំ រស់នៅភូមិអង្គមេត្រី ឃុំរលាំងគ្រើល ស្រុកសំរោងទង
ទី៥.ឈ្មោះ ហួត ចន្ទ្រា ភេទប្រុស អាយុ១៨ឆ្នាំ រស់នៅភូមិកំណប់ ឃុំរលាំងគ្រើល ស្រុកសំរោងទង
ទី៦.ឈ្មោះ នួន នាងភិរម្យ ភេទប្រុស អាយុ ២០ឆ្នាំ រស់នៅភូមិអង្គមេត្រី ឃុំរលាំងគ្រើល ស្រុកសំរោងទង
ទី៧-ឈ្មោះ ថុង កែវឡាយ ភេទប្រុស អាយុ ២០ឆ្នាំ រស់នៅភូមិព្នៅ ឃុំព្រៃញាតិ ស្រុកគងពិសី និងទី៨-ឈ្មោះ យ៉ន វណ្ឌី ភេទប្រុស អាយុ ២៦ឆ្នាំ រស់នៅភូមិប្រវឹកពង ឃុំទឹកល្អក់ ស្រុកគងពិសី។
មូលហេតុដែលក្លាយទៅជាហិង្សាក្នុងពិធីមង្គលការខាងលើនេះគឺដោយសារតែភាគីខាងកូនប្រុសបានជួល(DJ)មកចាក់រាំលេងកំសាន្តហើយភាគីខាងស្រីជំទាស់ក៏ក្លាយទៅជាបែបនេះទៅ។ ករណីខាងលេីនេះ ក៏មានការតវ៉ាទាមទារសំណងពីភាគីពាក់ព័ន្ធជាច្រេីនមានខាងតន្ដ្រីសម័យ ម្ចាស់រោងផងដែរ។
ជនសង្ស័យទាំង៤នាក់ខាងលេី ក្រោយធ្វើការសាកសួរ នៅអធិការដ្ឋាននគរបាលស្រុក គងពិសីបានកសាងសំណុំរឿងបញ្ជូនទៅការិយាល័យព្រហ្មទណ្ឌខេត្ដកំពង់ស្ពឺ ដេីម្បីកសាងសំណុំរឿងចាត់ការបន្តតាមផ្លូវច្បាប់ ៕